Soraluzeko erailketa matxista gaitzetsi du Udalak
2020/03/17
Soraluzen izandako erailketa matxista erabat gaitzetsi du Udalak. Isolamenduan egon beharra dagoela eta, ez da elkarretaratzerik izango, baina joan den martxoaren 14tik –Abanton gertatutako erailketatik- udaletxeko balkoian jarrita dagoen gaitzespen pankartak han jarraituko du. Ildo beretik, gaur 21:00etan etxeetako balkoietan deitu duten lapiko-jotzearekin bat egin du Udalak, eta herritarrei ere horretara parte hartzeko deia luzatu die.
Isolamendu egoera honetan laguntza behar izanez gero, non eskatu daitekeen ere gogorarazi du Udalak: genero indarkeriaren biktima diren emakumeentzako zerbitzu espezializatua eskaintzen duen Satevi-n (900 840 111). Telefono zenbakia anonimoa da eta fakturan ez du arrastorik uzten.
