Otala Zelaiko lasterketan izena emateko epea zabalik dago
2022/05/05
Joseba “Mardo”ren oroimenezko kros herrikoia maiatzaren 15ean izango da.
Azken bi urteetako etenaldiaren ondoren, betiko egitaraua berreskuratu du Otala Zelaiko lasterketak. Maiatzaren 15ean burutuko den Joseba “Mardo”ren oroimenezko Otala Zelaiko 42. kros herrikoian izena emateko epea zabalik dago jada. Izena Ibarra kiroldegian edo https://www.herrikrosa.eus/ webgunean eman daiteke, zortzi euroren truke. Lasterketa egunean, aldiz, 15 euro ordainduko dira.
Egitaraua:
- 10:00etan: Haurren lasterketak: Benjaminak (500 metro); alebinak (1.000 metro), eta infantilak (1.500 metro). Izen-emateak: ikastetxeetan.
- 11:00etan: Helduak. Hiru kategoria izango dira: emakumezkoak banaka, gizonezkoak banaka, eta bikote mistoak.
- 12.30: Sari banaketa.
