Bero handiko egunetarako gomendioak

Beroak ez digu guztioi berdin eragiten. Arreta berezia eskatzen dute talde zaurgarriek: adineko pertsonek, haurrek, haurdun dauden emakumeek eta gaixotasun kronikoak dituztenek.

Aire zabalean eta ariketa fisikoa egitean

• Bero-abisurik edo alertarik badago, ez egin kirolik edo jarduera fisiko gogorrik kanpoan.

• Saihestu eguzkitan jartzea eta ariketa egitea eguerdi partean edota jan ondoren. Aprobetxatu goizeko lehen orduak edo arratsaldeko azkenekoak.

• Erabili kapela, eguzkitako betaurrekoak eta eguzki-babeslea eman. 

• Erabili arropa arina, zabala eta transpiragarria.

Barrualdean (Etxean edo lanean)

• Aprobetxatu bero gutxieneko uneak gelak aireztatzeko eta freskatzeko.

• Saihestu beroa sortzen duten etxetresna edo aparatuak erabiltzea eguneko ordu beroenetan.

• Erabili haizagailuak barrualdeak freskatzen laguntzeko, eta freskatu gorputza (bereziki aurpegia eta eskuak).

Desidratazioa saihestu

• Edan ura maiz, naiz eta egarri zarenik ez sentitu. Jarduera fisikoa eginez gero, hobe gatz mineralak dituzten likidoak edatea.

• Ez kontsumitu kafeina, alkohola edo azukre asko duten edaririk. Likidoak galtzea areagotu dezakete.

• Entsalada, barazki eta fruta gehiago jan. Saihestu janari koipetsuak eta ugariegiak.

Sintomak eta larrialdiak

Oso garrantzitsua da gorputzaren seinaleei erreparatzea. Honako sintoma hauek sumatuz gero: karranpak, ahultasuna, nekea, zorabioa, goragalea, ikusmen lausoa edo aldigaitzoa:

1. Gelditu eta hartu atsedena leku fresko batean.

2. Hidratatu eta freskatu zaitez.

3. Sintomek jarraitzen badute, kontsultatu osasun-profesionalekin.

4. Kasu larriagoetan, deitu berehala 112 zenbakira.