Lausita eta Otalorako ur-ihesa

Azken astean bi ur-ihes garrantzitsu gertatu dira: bat Lausitan eta bestea Otaloran. Udal-zerbitzuek urgentziaz konpondu dituzte biak.

Lausitako ur-ihesak hainbat atari kaltetu zituen. Atari horietako bizilagunak hainbat orduz egon ziren ur-hornidurarik gabe. Horregatik, udalak barkamena eskatu nahi du sortutako eragozpenengatik. Jakina da eremu horretako hodiak oso zaharrak direla eta berritu egin behar direla. Izan ere, azken bost urteetan hainbat matxura gertatu dira, eta horietako batzuk oso kaltetuak izan dira.

Honen konponketa lehenago iritsi behar zela jakinda, udaleko zerbitzuek, urgentziaz, atarietako ur-hornidurako hodia erabat berritzea erabaki dute, 2tik 12ra bitartean dauden atarietan. Udalak datozen egunetan hasiko ditu obrak, eta atari horietako ur-hornidurako sarea berrituko da.

Obrak egiten diren bitartean, oinezkoen pasabidea bermatuko da, baina beharrezkoa izango da aparkaleku-plaza batzuk aldi baterako kentzea. Aldez aurretik, obrek eragin ditzaketen kalteen berri emango zaie bizilagunei. Era berean, ur-mozketa oso laburra izango da, azken konexioak egiteko behar den denbora baino ez, eta aldez aurretik jakinaraziko da.

Jarduketa horiekin, Lausita aldeko ur-hornidura erabat berrituko da, eta, horri esker, datozen urteetan matxura berriak saihestea espero da.

Otalorako matxurari dagokionez, hasiera batean ez zen oso garrantzitsua. Hala ere, konponketa-lanetan zehar, beste hodi bat hautsi zen, eta, horren ondorioz, inguruko bizilagunak urik gabe egon ziren hiru orduz, gutxi gorabehera.

Sentitzen dugu eragozpenak sortu izana. Ihesa konpontzeko lanen ondorioz gertatu zen hori, eta ez zen espero horrelakorik gertatzea. Hori dela eta, ezin izan zen aldez aurretik abisatu.

Bestalde, Lausita auzoan egindako konponketa behin-behineko irtenbidea izan da oraingoz. Datozen egunetan, behin betiko konponketa egingo da, eta behar bezala egokituko da matxurak kaltetutako lursaila.