Kzguneak martxan jarraitzen du eten digitala murrizteko

Koronabirusaren pandemiak eragindako salbuespenezko egoeraren aurrean, KZguneak bere zerbitzuak ematen jarraituko du eten digitalean dauden pertsonei laguntzeko.

KZguneak euskal herritarren zalantza teknologikoak argitzeko sistema bat modelatu du, zentroetan fisikoki egotea eskatzen ez duena, baina zerbitzu hori behar duten erabiltzaileek erabiltzeko errazak diren kanalen bidez. Beraz, arreta telefonoz edo posta elektronikoz izango da. Hainbat bide daude zabalik euskarri honen bidez, eta horietako bat Eusko Jaurlaritzako Hezkuntza Sailak irakaskuntza-jarduerarekin %100ean online jarraitzeko hartutako erabakiarekin lotuta dago.

EROSKETAK, BANKU-IZAPIDEAK…

Era berean, Informazioaren eta Komunikazioaren Teknologiei (IKT) buruzko edozein zalantza argitzeko laguntza behar duen edonork telefonoz edo posta elektronikoz egin dezake kontsulta. Zehazki, KZguneak funtsezkoa ikusten du laguntza ematea online erosketetan, banku-izapideetan, Osasun-karpeta sarbidean, Osakidetzako aplikazioen erabileran…; laguntza behar duten kolektiboei, batez ere, adinekoei. Eragiketa horiek, orain bai ala bai, etxetik egin behar dira.

KZguneen ordutegiak eta harremanetarako modua hemen kontsulta daitezke.