Ibarra kiroldegi aurreko aisialdi gune berriaren lanak hasiko dituzte astelehenean
2026/01/16
Aretxabaletako Udalak jakinarazten du astelehenean hasiko direla Ibarra kiroldegiaren aurreko berdegunea eraldatzeko obrak.
Proiektu hau herritarren parte-hartze prozesu baten emaitza da, eta helburua aisialdirako gune moderno eta jasangarri bihurtzea da.
Zer egingo da?
Guztira 3.969 m²-ko eremua egokituko da, aisialdirako aukera ezberdinak eskainiz:
- Ur-jolasen parkea: Sakonerarik gabeko ur-parke bat, udako egun beroetan haur eta gazteek goza dezaten.
- Pik-nik eremua: Mahai eta atsedenlekuekin.
- Jolas librerako gunea: Soropil eremu zabala.
- Zerbitzuak: Komun autogarbigarri bat eta landaketa berriak egingo dira paisaia hobetzeko.
Egutegia eta Aurrekontua
- Obra hasiera: 2026ko urtarrilaren 19an (astelehena). Aste honetan itxiturak jartzen hasi dira.
- Iraupena: 5 hilabete (2026ko maiatzean amaitzea aurreikusten da).
- Inbertsioa: 573.661,00 €
- Egileak: Lur Paisajistak S.L. (Iñigo Segurola eta Jon Muñiz).
