Hainbat ekitaldi Emakumeenganako Indarkeriaren Aurkako Nazioarteko Egunaren harira
2019/11/19
Emakumeenganako Indarkeriaren Aurkako Nazioarteko Egunaren harira, Udalak eta Atxabaltako Mugimendu Feministak hainbat ekitaldi antolatu dituzte. Gaur, Kolonbian ematen diren indarkeria matxistei buruzko hausnarketa eta solasaldia egingo dute Arkupe kultur etxean, 19.00etan. Ostegunean, aldiz, Nerea Barjolak Microfísica sexista del poder izenburuko liburua aurkeztuko du lehen aipatutako leku eta ordutegi berean.
Ostiralean arrazakeria lantzeko tailerra gidatuko du Luciana Alfarok (18.00), eta azaroaren 25ean, astelehenean, elkarretaratzea deitu dute Herriko plazan, 19.00etan.
