Degoeneko martxan da KirolTxartela Mugiment Aretxabaletan
ZER DA
KirolTxartela Mugiment Eusko Jaurlaritzak, Foru Aldundiek eta Udalek bultzatutako programa bat da, ariketa fisikoa egiteko kirol-instalazioen eskaintza zabaltzera bideratua.
Zerbitzu honen bidez, bere herriko kirol-instalazioetarako abonua duen edonork, kostu-gehikuntzarik gabe, Euskadi osoan zehar banatutako beste herri askotara jo dezake.
KirolTxartela Mugiment online aplikazioak, gainera, programari atxikitako udalerri bakoitzak eskaintzen dituen kirol-instalazio, -ordutegi eta -zerbitzuei buruzko informazio zehatza lortzeko aukera ematen du.
NOLA FUNTZIONATZEN DU
KirolTxartela Mugiment dohainik da erabiltzaile guztientzat. (Internetera konexioa duen mugikor bat beharrezkoa da).
"Txartel birtual" hau erabiltzeko pausuak:
- Mugikorrean KirolTxartela Mugiment instalatu.
- Erregistratu datu pertsonalak emanez, email helbidea eta NAN zenbakia, abonatua den instalazioaren izena adieraziz.
- Esandako erakundea balioztatu ondoren eta notifikazioa jaso ostean, KirolTxartela Mugiment erabil daiteke.
- Kirol instalaziora sartzean, “txartel birtuala” eta NAN erakutsi behar da.
- Instalazioaren langileak sarrera erregistratzen du, erabiltzailearen mugikorrean egiaztatze kodea sartuz eta sarrera emanez.
Informazio gehiagorako: www.kiroltxartela.eus eta https://youtu.be/Ty4XwaN-XL0?si=clfsW_EpWkRcVcP_ eta Ibarra kiroldegia (943 039 842)
