Aretxabaletako arbolen segurtasuna bermatzeko neurriak hartu dira

Duela 2 hilabete, Aretxabaletako Udalak herriko eremu batzuetako zuhaitzen segurtasunari buruzko azterlan bat eskatu zuen. Hala, Santakurtz eta saihesbidearen arteko parkeko zuhaitzak, udaletxeko lorategikoak, Duranakoak eta Mitartekoak eta egungo osasun-zentroaren aurrealdekoak aztertu ziren. 

Azterlanean 166 zuhaitz baloratu ziren. Zuhaitzen Arriskuaren Ebaluazio Kuantifikatuan erabilitako metodologiak (QTRA Quen ed Tree Risk Assessment - 5. bertsioa) zuhaitzetan edo adarretan huts egiteko arriskuaren oinarrizko hiru osagaiak ebaluatzeko lan-esparru bat ematen du; itua, tamaina eta huts egiteko probabilitatea. 

166 zuhaitzetatik 105 zuhaitzetara ebaluazioa aplikatzea beharrezkoa ez zela jo da, itxuraz kalte arrisku txikia zuelako. Ebaluazioa egin zaien zuhaitzen artean, pertsonei edo jabetzari kalte egin diezaieketen 34 zuhaitz aurkitu ziren datorren urtean, bereziki klima-baldintza txarretan. 

Hori dela eta, azken egunetan, kontuan hartu diren zuhaitzetan ekintzak egin dira, azterlanaren arabera. Hala, arbola batzuk kendu dira, beste batzuk inausi dira edo lotze mekanikoak egin dira beste batzuen zati batzuetatik. 

Adibidez, hurritza bat kendu da udaletxeko lorategitik, Santakurtz parkeko hainbat zuhaitz inausi dira eta mekanikoki ziurtatu dira egungo osasun-zentroaren aurreko pinuak. 

Horrek guztiak 12.596 €-ko gastua ekarri dio udalari, eta datozen hilabeteetan herriko beste eremu batzuk ebaluatzen jarraituko da. 

Horrek ez du esan nahi klimatologia bereziki txarra denean, adibidez, ezin denik adarrik erori, ezta ale oso bat ere. Azterlan honen asmoa da egon daitezkeen arriskuak zientifikoki baloratzea eta arrisku horiek saihesteko neurriak hartzea.