Andramaixetako Egitarau Ofiziala Kaleratu da!

Abuztuaren 13tik 17ra bitartean, Aretxabaletak Andramari jaiak ospatuko ditu. Ikusi hemen Izaro Sanchezen irudi koloretsuek girotzen duten Andramaixetako egitarau osoa. Aurten, DebaTEA Elkarteak emango die ongietorria jaiei, inklusioa eta aniztasuna ardatz hartuta.

DebaTEA Elkarteak nabarmendu duenez, jaiak denontzat izan behar direla aldarrikatzen dute: haurrentzat, helduentzat eta adinekoentzat. Bereziki garrantzitsua da autismoa edo neurodibertsitatea duten pertsonentzat lasaitasuna, ordena eta segurtasuna bermatzea, festaz gozatu ahal izateko. Izan ere, guztiei lekua eginez, jaiak ederragoak izango dira.