250 herritarrek hartu dute parte Mugikortasun Planaren inkestan

Lehenik eta behin, eskerrak eman nahi dizkiegu inkesta bete dutenei. Badakigu galdera asko eta gai konplexuak izan direla, eta horregatik parte-hartzea bereziki baloratzen dugu. 

Hona hemen inkestetatik ateratako ondorioak. 1etik 5erako tartean neurtu dira.

• “Ibilgailu motordunek espazio gehiegi hartzen dute”: 3,1
• “Aparkaleku nahikoa dago”: 2,8
• “Adingabeen eta adinekoen segurtasuna arriskuan dago abiaduragatik”: 3,4
• “Garraio publikoa hobetu behar da”: 4,2

Proposamen zehatzak : Aztertu diren eremu nagusiak: Araba ibilbidea, Laboral-Lausitta, Eroski-Basabe, Errekabarren (Pausoka), Txarapea, ALEko bidegurutzea eta Ilargi plaza izan dira. 

• Araba ibilbidea: Oso ondo baloratu da kalea estutzea eta Dagdako buelta kentzea.
• Laboral Kutxa – Eliza tartea: Harrera oso ona izan dute espazioak naturalizatzeko eta, eliza atzeko zubia oinezkoentzat uzteko proposamenek.
• Eroski ingurua: Gai hau konplexua izan da. Hala ere, ondo ikusi dira oinezkoentzako gune berriak sortzea eta Basabeazpi inguruan hobekuntzak egitea.
• Errekabarren (Pausoka): Onartu egin da zirkulazio noranzko bakarra ezartzea, segurtasuna handitzeko eta aparkaleku berriak irabazteko.
• Txarapea: proposamen probisionalak (zebrabide berriak eta abiadura-neurketak) ondo baloratu dira.
• ALEko bidegurutzea: oso ondo baloratua izan da oinezkoen segurtasuna indartzeko planteamendua.
• Ilargi plaza: balorazio oso ona jaso du irisgarritasuna hobetzeko eta osasun zentroa Gernika plazarekin lotzen duen gunea indartzeko.

Herritarren ekarpenak 

Inkestak 350 proposamen zehatz jaso ditu. Ekarpen horiek zehatz-mehatz aztertuko dira, eta zalantzarik gabe Mugikortasun Plana aberastuko dute. 

Orain, plana idazteko lana hasiko da, herritarren ekarpen guztiak kontuan hartuta. Aurkezpena udazkenean egingo da.