Aretxabaletako Udalak begiraleak kontratatzeko kurrikulumak jasotzeko epea zabaldu du Gabonetako Parkerako.

2026/11/20

Parkea, aurten dataz aurreratu da eta abenduaren 22an eta 23an egingo da ondoko ordutegian:

  • 11:00-13:00
  • 17:00-20:00

Begiraleen zereginak:

  • Haurrekin jolastea
  • Puzgarrietarako txandak eta ilerak antolatzea
  • Sarreren salmenta mahaian egotea
  • Eskulan tailerrak dinamizatzea
  • Parkerako materiala prestatu eta azken egunean jaso eta garbiketzea.

Oharra: lehen egunean 10:30etan elkartuko da begirale taldea eta azken egunean dena jaso ondoren amaituko da lana.

Begirale izateko, honako baldintzak bete beharko dira:

  • Euskaraz ondo hitz egiten jakitea.
  • 18 urte beteta izatea.
  • Lehentasuna Aretxabaletako gazteek izango dute.

Eskabideak honako puntuazio-sistemaren arabera baloratuko dira:

  • Monitore titulua izatea: 5 puntu.
  • Monitoretza titulua ikasten ari izatea: 3 puntu.
  • Magisteritza ikasita edo ikasten egotea: 1 puntu.
  • Aretxabaletako Udaleku Irekietan begirale gisa aritutako urte bakoitzeko: 1 puntu.
  • Gabonetako Parkean begirale gisa aritutako urte bakoitzeko: 2 puntu.
  • Euskara C1 titulua izatea: 1 puntu.

Kurrikulumak ondoko helbidean aurkezteko azken eguna: abenduak 4 - gazteria@aretxabaleta.eus helbidean edo Aretxabaletako Udaleko Gazteria zerbitzuan.