ARTILUSIO

Imajina dezagun liburuz elikatzen den eta adineko emakume maitagarri baten bihotzaren taupaden erritmoan funtzionatzen duen itxura fantastikoko makina handi bat.

Eta tramankulu horren ondoan Greta, liburuz eta ipuinez osatutako liburutegi txikiaren inguruan atzera eta aurrera. Literaturako pertsonaia misteriotsu eta unibertsalak, lanpara zoragarriak eta munduan zeharreko bidaia fantastikoak. Horiek guztiak ondo pasatzeko eta jolasteko agertokiak dira.

"Artilusio"k, liburuak eta irakurtzeko grina goraipatzen ditu. Eta adineko pertsonen zainketek duten garrantzia ere erakusten digu.