Etxean konposta egin nahi al duzu?
Debagoieneko Mankomunitateak kudeatzen duen etxeko hondakinen bilketa zerbitzutik, batu eta tratatu beharreko hondakinen murrizketa lortze aldera, hondakin organikoen autokonpostatzea bultzatu nahi da.
Horrela, bilketa zerbitzura gehitzen ez diren hondakinek gasturik sortzen ez dutenez, autokonpostatzea egiten edo egingo duzuenok, bonifikazioa izango duzue zuen zaborren tasetan.
Autokonpostatzeko hitza emandakoei, bonifikazioaz gain, konpostatzea zertan datzan azaltzeko ikastaro bat emango zaizue eta ondoren, konpostagailua eta hondakinok batzeko eta garraiatzeko edukiontzi bana banatuko zaizue, guztia dohainik.
Ikastaroan emango zaizuen etxean konpostatzeko gida eskuragarri daukazue.
Murriztu dezagun hondakin kopurua!!
Murriztu ditzagun hondakinen bilketako kostuak!!
Murriztu dezagun ingurumenari sortzen diogun kaltea!!
Izena emateko: http://www.debagoiena.com/Ingurumena/Autokonposta
